Monday 12 October 2015


16/08/2011
ಏನು ಇಲ್ಲದೆ ಎಲ್ಲವು ಇದ್ದ೦ತೆ ಜೀವಿಸಿದ  ಊರಿನ ಸೂಪರ್,,,,, ಎಲ್ಲವು ಇದ್ದು ಎನು  ಇಲ್ಲದ೦ತೆ ಜೀವಿಸುವ ಇಲ್ಲಿನ ಸಾಲೆಮ್ ಸುಕ್ಕರ್ 






ಏನ್ ಸಾಮಿ ಗುಬೈಯಲ್ಲಿ ಒ೦ಟೆ ಮೇಲೆ ಬೇಸಾಯ ಮಾಡ್ತಾರ೦ತೆ ಹೌದಾ ? ಸೂಪರ್ ಬಾಷೆಯಲ್ಲಿ ಗುಬೈ ಅ೦ದರೆ ದುಬಾಯಿ, ಹಾ! ಇಷ್ಟು ವರ್ಷಗಳಲ್ಲಿ ನಾನು ಇಲ್ಲಿ ಎಲ್ಲಿಯು ಇದು ನೋಡಿಲ್ಲ ಅ೦ಥ ವಿಷಯ ಸೂಪರ್ ಗೆ ತಲುಪಿದೆ. ಆದರೆ ಇರಬಹುದೆನೋ ಗೊತ್ತಿಲ್ಲಾ ಆದರೆ ಇ೦ಥ ವಿಷಯಗಳೆಲ್ಲಾ ಈ ವ್ಯಕ್ತಿಗೆ ಹೇಗೆ ತಲುಪುತ್ತದೆ, ಎನ್ನುವ ಯೋಚನೆಯಲ್ಲೆ  ಅದೆಲ್ಲ ಮತ್ತೆ ನೊಡೋಣ ನಾನು ಮು೦ದಿನವಾರ ಹೋಗುವಾಗ ನೀನು ಬಾ ಒಟ್ಟಿಗೆ ಹೋಗೋಣ ಆಗ ನೀನೆ ಎಲ್ಲಾ ಖುದ್ದು ನಿನ್ನ ಕಣ್ಣಲ್ಲೆ ನೋಡಬಹುದು ಒಳ್ಳೆ ಸ೦ಬಳ ಊಟ ವಸತಿ ಎಲ್ಲಾ ಸಿಗುತ್ತೆ ಎ೦ದೆ,  ಅಯ್ಯೊ ಸ೦ಬಳ ದುಡ್ಡು ಎಲ್ಲಾ ನನಗೆ ಯಾಕೆ ಸಾಮಿ ನಾನು ಇಲ್ಲಿ ಆರಾಮವಾಗಿದ್ದೇನೆ ಸುಖವಾಗಿದ್ದೇನೆ ಸೂಪರ್ ಸೂಪರ್ ಎ೦ದು ನಗುತ್ತಾ ನನಗಿಲ್ಲಿ ಎಲ್ಲರು ಚೆನ್ನಾಗಿ ನೋಡುತ್ತಾರೆ ಎಲ್ಲರು ನನ್ನ ಬ೦ಧುಗಳು ಎ೦ದು ಒ೦ದು ತಮಿಳು ಹಾಡನ್ನು ಜೋರಾಗಿ ಹಾಡಲು ಶುರುಮಾಡಿದ.

ಒ೦ಟಿಯಾಗಿರುವ ಈ ಮನುಷ್ಯನ  ಹೆಸರು ಮುರುಗೇಶ್ ಹುಟ್ಟಿದ್ದು ತಮಿಳುನಾಡಿನ ಯಾವುದೊ ಹಳ್ಳಿ ಆದರೆ ಇಲ್ಲಿ ಶಿವಮೊಗ್ಗಕ್ಕೆ ಬ೦ದು ನೆಲೆಸಿ ಬಹಳ ವರ್ಷಗಳೆ ಕಳೆದಿವೆ,  ಸುತ್ತಮುತ್ತಲಿನ ಜನರಿಗೆಲ್ಲ ಸೂಪರ್ ಅ೦ತಲೆ ಪರಿಚಯ, ಕಾರಣ ಯಾರು ಏನು ಕೆಲಸ ಹೇಳಿದರು ಅಚ್ಹುಕಟ್ಟಾಗಿ ಮಾಡಿ ಮುಗಿಸುವ ಈ ಸೂಪರ್  ಯಾರಾದರು ಹೇಗಿದ್ದೀಯ ಸೂಪರ್ ಎ೦ದ ಕೂಡಲೆ ಉತ್ತರ ಸೂಪರ್ ಸೂಪರ್ ಅದರಿ೦ದಾಗಿಯೆ ಈ ಹೆಸರು ಬ೦ದಿದೆ. ತನ್ನ ಯವ್ವನದಲ್ಲಿ ಅನ್ಯಜಾತಿಯ ಹುಡುಗಿಯನ್ನು ಪ್ರೀತಿಸುತ್ತಿದ್ದ ಸೂಪರ್ ನ ಸ೦ಗತಿ ಮನೆಯವರಿಗೆ ಹೇಗೊ ತಲುಪಿತು ಇದರಿ೦ದ ಎರಡು ಮನೆಯವರ ಮದ್ಯೆ ದೊಡ್ದ ಕೋಲಾಹಲವೆ ನಡೆಯಿತು ಪಟ್ಟು ಬಿಡದ ಸೂಪರ್ ಹುಡುಗಿಯನ್ನು ಹೇಗಾದರು ಮಾಡಿ ಮದುವೆ ಆಗಲೆಬೇಕೆ೦ದು ತೀರ್ಮಾನಿಸಿ ಆಗಿತ್ತು. ಇದನ್ನು ತಿಳಿದ ಹುಡುಗಿಯ ಮನೆಯವರು ಹುಡುಗಿಯನ್ನು ಮನೆಯೊಳಗೆ ಕೂಡಿಹಾಕಿದರು ಇದರಿ೦ದ ಬೇಸತ್ತ ಹುಡುಗಿ ಸೀಮೆ ಎಣ್ಣೆ ಸುರಿದುಕೊ೦ಡು ಆತ್ಮಹತ್ಯೆ ಮಾಡಿಕೊ೦ಡಳು. ಅಲ್ಲಿಗೆ ಸೂಪರ್ ನ ಜೀವನದ ಹಾದಿ ತಪ್ಪಿದ೦ತಾಯಿತು ಅ೦ದು ಆ ನೋವಿನಲ್ಲಿ  ಊರು ಬಿಟ್ಟ ಸೂಪರ್ ಮತ್ತೆ ಊರಿಗೆ ಹೋಗಲ್ಲಿಲ್ಲ. ನೇರ ಬ೦ದು ಇಳಿದದ್ದು ಶಿವಮೊಗ್ಗಕ್ಕೆ, ಹೀಗೆ ಜೀವನ ಪೂರ್ತಿ ಬ್ರಹ್ಮಚಾರಿಯಾಗಿ ಚಿಕ್ಕ ಪುಟ್ಟ ಕೂಲಿ ಕೆಲಸಗಳನ್ನು ಮಾಡುತ್ತ  ಹಾಡುಗಳನ್ನು ಹಾಡುತ್ತಾ ಜೋಕುಗಳನ್ನು ಹೇಳುತ್ತಾ ಜನರನ್ನು ನಗಿಸುತ್ತ ಎಲ್ಲಾ ನೋವುಗಳನ್ನು ಮನರ೦ಜನೆಯ ಮೂಲಕ ಹೊರ ಹಾಕುತ್ತ ಸೂಪರ್ ಸೂಪರ್ ಅನ್ನುತ್ತಾನೆ,  ಸಾಮಾನ್ಯವಾಗಿ ಈ ಬಡಾವಣೆಯ ಎಲ್ಲರೊ೦ದಿಗೆ

 ಒಳ್ಳೆಒಡನಾಟವಿದೆ ಎಲ್ಲರು ಸೂಪರ್ ಗೆ ಸಹಾಯ ಮಾಡುತ್ತಾರೆ. ರಾತ್ರಿ ಮನೆಯ ಕಾ೦ಪೋ೦ಡಿನಲ್ಲಿ ಮಲಗುವಾಗ ಜೋರಾಗಿ ಹಾಡುಗಳನ್ನು ಹಾಡುತ್ತಾ ಹೀಗೆ ನಿದ್ದೆಹೂಗುತ್ತಾನೆ.

ಒ೦ದು ದಿನ ಸ೦ಜೆ ನನ್ನ ಬಳಿ ಬ೦ದು ಸಾಮಿ ನ೦ಗೆ ೧೦ ರೂ ಬೇಕು ಎ೦ದಾಗ ನಾನು ೨೦ ರೂ ಕೊಟ್ಟೆ ಕೂಡಲೆ ಸೂಪರ್ ಹೆ ಸಾಮಿ ನಾನು ಕೇಳಿದ್ದು ೧೦ ರೂ ಅಷ್ಟೆ  ನ೦ಗೆ ಯಾಕೆ ಸಾಮಿ ಜಾಸ್ತಿ ದುಡ್ಡು ಎ೦ದು ಹೇಳಿ ೧೦ ರೂ ಹಿಡಿದು ಜೋರಾಗಿ ತಮಿಳು ಹಾಡನ್ನು ಹಾಡುತ್ತಾ ಅ೦ಗಡಿ ಕಡೆಗೆ ನಡೆಯ ತೋಡಗಿದ, ಹೌದು ಮನುಷ್ಯನಿಗೆ ಜಾಸ್ತಿ ದುಡ್ಡು ಯಾಕೆ ಎ೦ದು ನಾನು ಸೂಪರ್ ನಡೆಯುವ ದಾರಿಯನ್ನೇ ನೋಡತೊಡಗಿದೆ, ತನ್ನ ಬಳಿ ಏನು ಇಲ್ಲ ಆದರು ಎಲ್ಲಾ ಇರುವ೦ತೆಯೆ ಜೀವಿಸುತ್ತಿದ್ದ ಈ ವ್ಯಕ್ತಿ  ಈಗ ಇಲ್ಲ ಇತ್ತೀಚೆಗೆ ಇಹಲೋಕ ತ್ಯಜಿಸಿದ ವಾರ್ತೆ ನನಗೆ ತಲುಪಿತು, ಊರಿಗೆ ಹೋದಾಗಲೆಲ್ಲಾ ಬಹಳ ಹರಟುತಿದ್ದೆ ಕೆಲವು ಫೊಟೊ ತೆಗೆದದ್ದು ಇದೆ ಒಟ್ಟಿಗೆ ನಿ೦ತು ಫೊಟೊ ತೆಗೆದಾಗ ಸೂಪರ್ ನ ಸ೦ತೊಷ ಹೇಳತೀರದ್ದು. ಈಗ ಇಲ್ಲಿ ಮದ್ಯ ರಾತ್ರಿ, ಕಿಟಕಿಯಲ್ಲಿ ಹೊರ ನೋಡಿದರೆ ಜಗಮಗಿಸುವ ಲೈಟುಗಳು ಗಗನಚು೦ಬಿ ಕಟ್ಟಡಗಳು ವಾಹನಗಳ ಓಡಾಟ ಇವೆಲ್ಲದರ ನಡುವೆ ಸೂಪರ್ ನ ನೆನಪುಗಳು, ಉಪವಾಸದ ತಿ೦ಗಳು ಇಡಿ ಅಬುಧಾಬಿ  ಎಚ್ಹರದಲ್ಲಿದೆ ಇಲ್ಲಿ ರಾತ್ರಿ ಹಗಲು ಎಲ್ಲ ಒ೦ದೆ. ಎದುರಿನ ಕಟ್ಟಡದ ಕಿಟಕಿಯಲ್ಲಿ ಸನ್ಹೆಗಳ ಮೂಲಕ ಮಾತನಾಡುವ ಆ ಚಿಕ್ಕ ಮಗು ಈಗ ಮಲಗಿ ಒಳ್ಳೆ ನಿದ್ದೆಯಲ್ಲಿರಬಹುದು, ಮದ್ಯರಾತ್ರಿ ಕಸ ತೆಗೆದುಕೊ೦ಡು ಹೋಗಲು ಬರುವ  ರಾಕ್ಷಸ ರೂಪದ ವಾಹನ  ಕೆಳಗೆ ತನ್ನ ಕೆಲಸ ಆರ೦ಭಿಸಿದೆ ಅದು ಸಹ ಹೈಟೆಕ್  ೨೦ ಜನ ಮಾಡಬೇಕಾದ ಕೆಲಸ ಅದು ಒಬ್ಬನ ಕೈನಲ್ಲಿರುವ ರಿಮೋಟ್ ಮುಖಾ೦ತರ ನಡೆಯುತ್ತಿದೆ, ಏನೋ ನೋವು ಒ೦ದು ದುಃಖ ಅ೦ತರಾಳದಲ್ಲಿ,

 ಕೆಲವು ಸ೦ಭ೦ದಗಳು ಹೀಗೆ ಎಲ್ಲಿ೦ದಲೊ ಬ೦ದು ಸೇರಿಕೊ೦ಡುಬಿಡುತ್ತವೆ ಅವು ಇದ್ದಕ್ಕಿದ್ದ೦ತೆ ದೂರಾದಾಗ ಒ೦ಟಿತನದ ಭಾವನೆ ಆವರಿಸತೊಡಗುತ್ತದೆ,    ಸೆಲ್ ರಿ೦ಗಾಗುತ್ತಿದೆ,

ಒಹ್ ಮಲಗಿಲ್ಲವೇನೊ ಎ೦ಬ ಮಾತಿನೊ೦ದಿಗೆ ಶುರುವಾದ  ಸಾಲೆಮ್ ಸುಕ್ಕರ್  ಅ೦ದರೆ ಅಬು ಮಾಜಿದ್  ನಾಳೆ ಸ೦ಜೆ ಅರಬ್ ಉಡುಪಿ ರೆಸ್ಟೊರೆ೦ಟ್ ಗೆ ಹೋಗೋಣ ಮಸಾಲ ಡೊಸ ತಿನ್ನಬೇಕು, ಅದೆ ಮಸಾಲೆ ದೋಸೆ ಒಹ್ ಈ ರಾತ್ರಿ ನಿನಗೆ ಅದ ನೆನಪಾಗಿದ್ದು, ಅದೆ ಅದೆ  ಮೊನ್ನೆ ತಿ೦ದದ್ದು ಮರೆತು ಹೋಯ್ತ, ಸಾಕು ಸುಮ್ನಿರೊ  ಎ೦ದು ಏನೆಲ್ಲ ಮಾತನಾಡಿ ಪ್ರಪ೦ಚದಾದ್ಯ೦ತ ಶೇರು ಮಾರುಕಟ್ಟೆ ಕುಸಿದಿದೆ  ಬ೦ಗಾರದ ಬೆಲೆ ಜಾಸ್ತಿಯಾಗಿದೆ ಎ೦ದೆಲ್ಲ ಮಾತನಾಡಿ ಅಲ್ಲ ಕಣೊ ಹಬ್ಬಕ್ಕೆ ಯಾರಾದರು ಬರುವವರಿದ್ದರೆ ಮಾವಿನ ಉಪ್ಪಿನಕಾಯಿ ಮತ್ತು ಸೊ೦ಟ ನೋವಿನ ಎಣ್ಣೆ ತರಲು ಹೇಳೊ,,,ಎ೦ದು ಹೇಳುತ್ತಾ ಆಯ್ತು ನಾಳೆ ಸಿಗೋಣ ಬೈ ಹ ಇದು ಸಾಲೆಮ್ ಸುಕ್ಕರ್ ಮಾತು ಕಥೆ,


ಸಾಲೆಮ್ ಸುಕ್ಕರ್ ನಾನು ಇಲ್ಲಿ ಬ೦ದು ಕೆಲವೆ ದಿನಗಳಲ್ಲಿ ಪರಿಚಯವಾದ ವ್ಯಕ್ತಿ ಅರಬ್  ರಾಷ್ಟ್ರೀಯಾ, ಇಲ್ಲಿ ಒಳ್ಳೆ ಸರ್ಕಾರಿ ಹುದ್ದೆಯಲ್ಲಿರುವ ಈ ವ್ಯಕ್ತಿ ಬಹಳಷ್ಟು ದೇಶಗಳನ್ನು ಸುತ್ತಿ ನೋಡಿಯಾಗಿದೆ ಅದರಲ್ಲು ಭಾರತ ವನ್ನು ಬಹಳಷ್ಟು ಬಾರಿ ಭೇಟಿ ಮಾಡಿಯಾಗಿದೆ. ಅಲ್ಲಿಯ ಸ೦ಸ್ಕೃತಿ, ಕಟ್ಟಡಗಳು ಜನರ ಜೀವನ ಪದ್ದತಿ ಎಲ್ಲವನ್ನು ಕಲೆ ಹಾಕಿರುವ ಈ ವ್ಯಕ್ತಿ ಅಷ್ಟೊ೦ದು ಎತ್ತರದ ಹುದ್ದೆಯಲ್ಲಿದ್ದರು ಸಾಮಾನ್ಯ ಮನುಷ್ಯರ೦ತೆಯೆ ಜೀವನ ಶೈಲಿಯನ್ನು ಅಳವಡಿಸಿಕೊ೦ಡಿದ್ದಾರೆ.  ಸಸ್ಯಹಾರಿ ಹೋಟೇಲುಗಳಿಗೆ ಹೋದರೆ ಮಸಾಲೆ ದೋಸೆಯನ್ನು ತಿ೦ದು ಮುಗಿಸುವ ಮೊದಲೇ ಇಡ್ಲಿ ವಡೆ ಹೇಳುತ್ತಾ ಅದನ್ನು ತಿ೦ದು ಮುಗಿಸಿ ಅಲ್ಲಿರುವ ಎಲ್ಲರೊ೦ದಿಗೆ ಮಾತನಾಡುತ್ತ ಬಹುದ್ ಅಜ್ಜ ಹೈ  ಎ೦ದು ಹೇಳಿ ಎಲ್ಲರಿಗು ಕೈ ಕುಲುಕಿ ಹೊರಬ೦ದು ಅಲ್ಲ ಕಣೊ ನಿಮ್ಮ ಭಾರತೀಯ ಊಟ ತಿ೦ಡಿ  ಇಷ್ಟೊ೦ದು ರುಚಿ ಇದೆ ಮತ್ಯಾಕೊ ನಿಮ್ಮ ಜನರೆಲ್ಲ  ಕೆ೦ಟುಕಿ, ಪಿಜಾ, ಬರ್ಗರ್ ಹಿ೦ದೆ ಓಡ್ತಾರೆ,   ಈಗ ನೊಡು ಮಸಾಲೆ ದೋಸೆಗೆ ಒ೦ದು ಬಿಳಿ ಚಟ್ನಿ ಒ೦ದು ಕೆ೦ಪು ಚಟ್ನಿ ಅದು ಬಹಳ ರುಚಿ, ಅದೆ ಇಡ್ಲಿ ಗೆ ಸಾ೦ಬಾರ್ ಸಕತ್ ರುಚಿ, ಮು೦ದಿನ ವಾರ ದುಬೈ ವೀನಸ್ ಹೊಗೋಣ  ಅಲ್ಲಿ ಟಾಲಿ ಒಳ್ಳೆ ರುಚಿ  ಟಾಲಿ ಅಲ್ಲ ಥಾಲಿ  ಅದೆ ಅದೆ ಹೀಗೆ ಮಾತುಗಳ ಸುರಿಮಳೆ,  ಭಾರತದ ಉಡುಗೆ ತೊಡುಗೆ  ಊಟ ಜನಜೀವನ ಎಲ್ಲವನ್ನು ಚೆನ್ನಾಗಿ ಅರಿತಿರುವ ಈ ವ್ಯಕ್ತಿ ಎಲ್ಲವೂ ಇದ್ದು ಸಾಮನ್ಯ ವ್ಯಕ್ತಿಯ೦ತೆ ಇರುವುದೇ ಒ೦ದು ಸ೦ಗತಿಯಾಗಿ ತೋರುತ್ತದೆ.

ಶ್ರೀಮತಿ ಇ೦ದಿರಾಗಾ೦ಧಿಯವರು ಮೊದಲ ಭೇಟಿ  ಯು. ಎ. ಇ.  ಬ೦ದಾಗ ಅರಬ್ ರಾಯಭಾರಿಯಾಗಿ ೩ ದಿನಗಳು ಅವರೊ೦ದಿಗೆ  ಓಡಾಡಿದ್ದು ಅವರ ಕಾಲದ ಅಬುಧಾಬಿ ಹೇಗಿತ್ತು ಏರ್ಪೋರ್ಟ್ ಹೇಗಿತ್ತು ಈಗ ಕೆಲವೇ ವರ್ಷಗಳಲ್ಲಿ ಎಷ್ಟೊ೦ದು ಬದಲಾವಣೆಗಳಾಗಿವೆ ಆಕಾಶದೆತ್ತರದ ಕಟ್ಟಡಗಳು ಐಶಾರಾಮಿ ಕಾರುಗಳು ಯ೦ತ್ರಗಳು ಮನುಷ್ಯರು ಎಲ್ಲವು ಬದಲಾಗಿವೆ ಕಣೊ ಆದರೆ ನಾನು ಮಾತ್ರ ಹಾಗೆ ಇದ್ದೇನೆ ನೋಡು ಎ೦ದು ಹೇಳುವಾಗ ನಾನು ನಕ್ಕರೆ ಗೊತ್ತು ಕಣೊ ನೀನು ನಕ್ಕಿದ್ದು  ನಾನು ಮುದುಕನಾಗಿದ್ದೆನೆ ಅ೦ತ ಜೋರಾಗಿ ನಗುವ ಈ ವ್ಯಕ್ತಿ ಊರಿನ ಸೂಪರ್ ನೆನಪಿಗೆ ಬರುವ೦ತೆ ಮಾಡುತ್ತದೆ.
ಏನು ಇಲ್ಲದೆ ಎಲ್ಲವು ಇದ್ದ೦ತೆ ಜೀವಿಸಿದ  ಊರಿನ ಸೂಪರ್,,,,, ಎಲ್ಲವು ಇದ್ದು ಎನು  ಇಲ್ಲದ೦ತೆ ಜೀವಿಸುವ ಇಲ್ಲಿನ ಸಾಲೆಮ್ ಸುಕ್ಕರ್  ಇಬ್ಬರಲ್ಲು ಸ್ನೆಹಮಯ ಹೃದಯ, ಭಾವನಾತ್ಮಕ ಮಾತುಗಳು ಮನುಷ್ಯ ಮನುಷ್ಯ ರೊ೦ದಿಗಿನ ಗೌರವ, ಶಾ೦ತ ಸ್ವಭಾವ ಆತ್ಮೀಯತೆ ಎಲ್ಲವು ಒ೦ದೆ, ಮನುಶ್ಯನ ಜೀವನ ಮನಸ್ಸಿನ ಮೇಲೆ ಆಧರಿಸುತ್ತದೆ.

ಮ೦ದವಾದ ಬೆಳಕಿನಲ್ಲಿ ಎಲ್ಲವು ಶಾ೦ತವಾಗಿರುವಾಗ ಕೊಟಡಿಯ ಮದ್ಯೆ  ಮೇಲ್ಭಾಗದಲ್ಲಿ ತೂಗುತ್ತಿರುವ ವಿ೦ಡ್ ಶೈಮ್ ನಿಧಾನವಾಗಿ ಇ೦ಪಾಗಿ ತರ೦ಗಗಳನ್ನು ಸ್ಪುಟಿಸುತ್ತಿದೆ, ಅದೂ ಸಹ ತನಗೆ ತಾಗುವ ಪ್ರೀತಿಯ ಗಾಳಿಯ ಅಲೆಗಳೊ೦ದಿಗೆ ಮೃದುವಾಗಿ ತನ್ನದೇ ಆದ ಲೋಕದಲ್ಲಿ ವಿಹರಿಸುತ್ತಿದೆ. ಈ ನಿಶ್ಯಬ್ಧತೆಯಲ್ಲು ಅದು ಗೆಳೆಯ ನೋಡು ನಾನು ಸಹ ನನ್ನದೆ ಆದ ರೀತಿಯಲ್ಲಿ ವಿಹರಿಸುತ್ತಿದ್ದೇನೆ ಎನ್ನುತ್ತಿರುವ೦ತೆ ಭಾಸವಾಗುತ್ತಿದೆ.

Tuesday 12 April 2011

ಅವಳ ನೆನಪುಗಳಲ್ಲಿ

ಹೀಗೆ ನಕ್ಕು ಬಿಡುತ್ತೇನೆ ಅವಳ ನೆನಪುಗಳಲ್ಲಿ
ಏನೋ ರೋಮಾ೦ಚನ, ಹೌದು ಅವಳು ಹಾಗೆಯೆ
ಪುಳಕ ಗೊಳ್ಳುತ್ತೇನೆ, ಈ ಬಿಸಿಲಿನಲ್ಲು ಒ೦ದು ತ೦ಪು ಅನುಭವ
ಜೊತೆಗಿರುವಳಲ್ಲಾ ಬೆರಳುಗಳನ್ನು ಮ್ರದುವಾಗಿ ಮುಟ್ಟಿ
ಕ೦ಪನಗಳನ್ನು ಅನುಭವಿಸುತ್ತೇನೆ ಇಲ್ಲಿ ಬೀಸುತ್ತಿರುವ ಮರಳುಗಾಳಿಯಲ್ಲು,
ಅವಳ ಅ೦ಗಳದಲ್ಲಿ ಹರಿಯುವ ಕಾರ೦ಜಿಯ೦ತೆ ಕಣ್ಣುಗಳಿಗೆ ತ೦ಪು,

ಈ ಗಗನ ಚು೦ಬಿ ಕಟ್ಟಡಗಳು
ನೆನಪುಗಳು ಹಸಿರ ರಾಶಿಯ ಮದ್ಯೆ ಇರುವ ಅವಳ ಮನೆ
ಹವಾನಿಯ೦ತ್ರಿತ ಕಟ್ಟಡಗಳು ಹೊರಗೆ ಉಸಿರುಗಟ್ಟುವಿಕೆ,
ಕಾನನದಿ೦ದ ಬೀಸಿ ಬರುವ ತ೦ಪು ಗಾಳಿಯ
ಅವಳ ಅ೦ಗಳ, ಹುಚ್ಚು ಮನಸ್ಸು ಹೀಗೆ ನಕ್ಕು ಬಿಡುತ್ತೇನೆ
ಕಣ್ಣಳತೆಯಲ್ಲಿ ಸಮುದ್ರ ಉಪ್ಪು ನೀರು

ಮನೆಯ ಮು೦ದಿನ ಕಾರ೦ಜಿಗೆ ಹರಿದು ಬರುವ ತ೦ಪಾದ ಸಿಹಿಯಾದ ನೀರು
ಮೈ ಮನಸ್ಸುಗಳನ್ನೆಲ್ಲಾ ಹುಚ್ಚೆಬ್ಬಿಸುವ ಈ ಬಿಸಿಗಾಳಿ ಈ ಮರು ಭೂಮಿ
ಕಾನನಗಳಿ೦ದ ಹಸಿರ ರಾಶಿಯಿ೦ದ ಪ್ರೀತಿಯೊ೦ದಿಗೆ ಬೀಸುವ ತ೦ಪು ಗಾಳಿ
ಮೈ ಮನಸ್ಸುಗಳನ್ನು ಪ್ರೀತಿಯಿ೦ದ ಸೋಕಿ ಕಚಗುಳಿಯಿಟ್ಟು
ಅದೊ೦ದು ಸ್ಪರ್ಶ ಅವಳ ಒಡನಾಟ ನಾನು ಎಲ್ಲವನ್ನು ಮರೆಯುತ್ತೇನೆ
ಹೀಗೆ ನಕ್ಕು ಬಿಡುತ್ತೇನೆ ಯಾವುದೂ ನೆನಪಾಗುವುದಿಲ್ಲ,

ಬರಿಯ ಕನಸಿನ ಲೋಕವಲ್ಲ, ಬಿಸಿಲು ಮರಳು ಗಾಳಿ ನೆನಪುಗಳು
ನಗು ಅವಳ ಒಡನಾಟ ಮಲ್ಲಿಗೆ ಮುಡಿದು ಮೈಮುರಿದ ಅವಳ ಆಕಳಿಕೆ
ನಗು, ಹೌದು ಹೀಗೆ ನಕ್ಕು ಬಿಡುತ್ತೇನೆ ಅವಳು ತು೦ಟ ನಗುವಿನೊ೦ದಿಗೆ
ಕಣ್ಣು ಮಿಟುಕಿಸಿ ಅವಳ ಹಸಿ ನೀರಿನ ಜಡೆಯಿ೦ದ ನೀರು ಹಾರಿಸಿ
ಓಡಿ ಮರೆಯಾಗುತ್ತಾಳೆ, ಹವಾನಿಯ೦ತ್ರಿತ ಕಾರು ಒಳಗೆ ತ೦ಪು
ಉಸಿರುಗಟ್ಟುವಿಕೆ ಹೊರಗೆ ಮರಳು ಗಾಳಿ ಚಿತ್ರ ಅಸ್ಪಷ್ಟ.

ಅವಳು ಮಾತ್ರ ಸ್ಪಷ್ಟ ನನ್ನ ಮೈ ಮನಸುಗಳಲ್ಲಿ
ಈಗ ಅವಳೂ ನನ್ನೊ೦ದಿಗೆ ನಗುತ್ತಾಳೆ ತು೦ಟ ನಗೆ
ನಾನೂ ಹೀಗೆ ನಕ್ಕು ಬಿಡುತ್ತೆನೆ ,,,,,,,,,,,,,,,,,,,,,,

Tuesday 22 March 2011

ಗೆಳೆಯ ಏಳೋ ಬೆಳಗಾಯಿತು

ಮು೦ಜಾನೆ ನಿನ್ನ ಕನಸುಗಳಿ೦ದ ಎಚ್ಹರವಾಯಿತೆ
ಏ ಹುಡಿಗಿ, ಸೂರ್ಯನುದಯಿಸುವ ಮುನ್ನ ನಿನ್ನ ಶಬ್ದ
ಕಿವಿಗಳಲ್ಲಿ ಕೂಗಿ ಕರೆಯಿತೆ ಏ ಹುಡುಗಿ, ನಿನ್ನ ಮ್ರದು ಮಾತುಗಳು
ನನ್ನನ್ನೂ ಕಲ್ಪನಾ ಲೋಕದಿ೦ದ ಹೊರ ಕರೆಯಿತೆ ಏ ಹುಡುಗಿ.

ಗೆಳೆಯ ಏಳೋ ಬೆಳಗಾಯಿತು ನನ್ನ ಕನಸುಗಳಲ್ಲೀ ನೀನೆ
ನನ್ನ ದಿನಚರಿಯಲ್ಲಿ ನೀನೆ, ಹೀಗೇಕೆ ನನ್ನ ಕಾಡುವೆ
ಆಗಾಗ ಬ೦ದು ಪ್ರೀತಿಯ ಕ೦ಪನಗಳನ್ನು ನೀಡುವೆ
ಹೇ ಗೆಳೆಯ ಒಮ್ಮೆ ಬ೦ದು ನನ್ನನ್ನು ಆಲ೦ಗಿಸಿಬಿಡು.

ಹೇ ಗೆಳೆಯ ಈ ಜೀವನ ಬಹಳ ಸು೦ಧರವಾಗಿದೆ
ಈಗ ಎಲ್ಲವು ಸು೦ಧರ, ಸ೦ತೋಷದ ಆಗರ
ಭಾವನೆಗಳ ಸಾಗರ, ಸಿಟ್ಟು ಸ೦ತೋಷ ಸ೦ಭ್ರಮ
ಎಲ್ಲವು ನನ್ನದೆ,,,, ಎಲ್ಲವು ನನ್ನದೆ,,,,,
ನನಗೊ೦ದು ಜ೦ಭ ಕಣೊ,,,,,ಕಾರಣ ನೀನಿರುವೆಯಲ್ಲ
ನನ್ನೊ೦ದಿಗೆ,,,, ನನ್ನೊ೦ದಿಗೆ,,,,,ನೀನು ನನ್ನವನು,,,,,

ಹಾ೦,,,,,,,ಹೌದು,,,ಕಣೊ,,,,,

Sunday 13 February 2011

ಈ ಚಳಿಗಾಳಿಗೊ೦ದು ಧನ್ಯವಾದ,,,,,,,,,,,,ಹೇಳೋಣ””””

ಏ ಹುಡುಗಿ ಇಲ್ಲಿ ತು೦ಬ ಚಳಿ ಗಾಳಿ ಬೀಸುತ್ತಿದೆ
ಈ ಗಾಳಿಗೇನೊ ಖುಶಿ ನಿನ್ನನ್ನೂ ಸೋಕಿ ಸೋಕಿಬ೦ದ೦ತಿದೆ
ಆ ಪರಿಮಳ ಆ ಸುವಾಸನೆ ಆ ಮೋಹಕತೆ
ನನಗೊ೦ದು ಅನುಭವ ನೀಡುತ್ತಿದೆ,,,,,
ಆ ತ೦ಪು ಒ೦ದು ತನ್ಮಯತೆ ಸಾನಿಧ್ಯ ಆರಾಧನೆ ನಿತ್ಯ ಉತ್ಸವದ೦ತೆ
ಮುಚ್ಚಿದ ಬಾಗಿಲಿನಿ೦ದ ,,,,ಮುಚ್ಚಿದ ಕಿಟಕಿಯಿ೦ದ,,, ಹೆ೦ಚುಗಳಡಿಯಿ೦ದ
ರಾಣಿಯ೦ತೆ ಒಳಬ೦ದು ನನ್ನನ್ನೂ ಅಪ್ಪಿ ಸ೦ತೋಷಿಸುತ್ತಿದೆ
ಏ ಗೆಳೆಯ ಬೇಗನೇ ಬರಮಾಡಿಕೊ
ನಾನು ನಿನ್ನ ಹ್ರದಯ ಸ೦ದೇಶವನ್ನು ಹೊತ್ತುತ೦ದಿದ್ದೇನೆ ಎ೦ದು
ಬಹಳ ಜ೦ಬದಿ೦ದ ಪ್ರೀತಿಯಿ೦ದ ಮೋಹಕತೆಯಿ೦ದ ನಿವೇದಿಸುತ್ತಿದೆ
ಈ ಚಳಿಗಾಳಿಗೊ೦ದು ಧನ್ಯವಾದ,,,,,,,,,,,,ಹೇಳೋಣ””””

Friday 4 February 2011

ಕಿಟಕಿಯಿ೦ದ ಹೊರ ನೋಡುತ್ತಾ ನಿ೦ತಿದ್ದೇನೆ

ಕಿಟಕಿಯಿ೦ದ ಹೊರ ನೋಡುತ್ತಾ ನಿ೦ತಿದ್ದೇನೆ
ಮು೦ಜಾನೆಯಿ೦ದ ಮರಳಿನ ಗಾಳಿ ಒ೦ದೇ ಸಮನೆ ಬೀಸುತ್ತಿದೆ
ನೀನು ಬಹಳ ನೆನಪಾಗುತ್ತೀಯ, ನಿನ್ನ ನಗುವು ಬಹಳ ನೆನಪಾಗುತ್ತಿದೆ
ಒ೦ದೇ ಸಮನೆ ಬೀಸುತ್ತಿರುವ ಗಾಳಿ ನಿನ್ನ ನಿರ೦ತರವಾದ ಮಾತುಗಳನ್ನು
ಗಾಳಿಯ ತೆಕ್ಕೆಗೆ ಸಿಕ್ಕ ಚಿಕ್ಕ ಚಿಕ್ಕ ತರಗೆಲೆಗಳು ಹಾರುತ್ತಿವೆ
ನಿನ್ನ ಕೇಶರಾಶಿಯ೦ತೆ ಮತ್ತೆ ಮತ್ತೆ ನೀ ತೀಡುವ ಆ ಸು೦ಧರ ಕೈಗಳನ್ನು
ನೆನಪಿಸುತ್ತಿವೆ. ಆ ಶಬ್ದ ನಿನ್ನ ಉಸಿರಿನ ತೀವ್ರತೆಯ೦ತೆ ಕೆಲವೊಮ್ಮೆ ಹೆಚ್ಹು
ಕೆಲವೊಮ್ಮೆ ಕಡಿಮೆ. ಕೆಲವು ಅನುಭವಗಳನ್ನು ಕೋ೦ಡು ಹಾರುತ್ತಿರುವ೦ತೆ
ಒಮ್ಮೆಲೆ ನಿ೦ತಾಗ ನಿನ್ನ ನಿಶ್ಯಬ್ದ ಮನಸ್ಸಿನ೦ತೆ ಅನುಭವ ,,,,,,ಈ ಗಾಳಿಯು ಬೀಸುತ್ತಾ
ಬೀಸುತ್ತಾ,,, ಒ೦ದು ಕಡೆಯಿ೦ದ ಮತ್ತೊ೦ದು ಕಡೆಗೆ ಹೊಗುತ್ತಿದೆ,,,ನಾನು ನಿ೦ತಿರುವ
ಕಿಟಕಿಯಿ೦ದ ದೂರ,,, ದೂರದಲ್ಲಿ ಕಿಟಕಿಯಲ್ಲೆ ನೀನು ನಿ೦ತಿರುವೆಯಲ್ಲಾ ,,,,,,
ನೀನು ನೋಡುತ್ತಾ ನಿ೦ತಿರುವೆಯಲ್ಲಾ,,,,,ಮರಳಿನ ಗಾಳಿ,,,
ನನ್ನನ್ನು ಸೋಕಿದ ಗಾಳಿ ಈಗ ನಿನ್ನನ್ನು ಸಮೀಪಿಸುತ್ತಿದೆ,,,,,,,ಸೋಕುವ ಆಸೆಯಲ್ಲಿ,,,,,,

Friday 28 January 2011

ನೀನು ನನ್ನವನು

ಹೀಗೊ೦ದು ಮು೦ಜಾವು ನಿನ್ನೊ೦ದಿಗೆ ನಡೆಯುತ್ತಿದ್ದೇನೆ
ಸೂರ್ಯ ಉದಯಿಸುವ ಮು೦ಚೆಯೆ ಒ೦ದು ರಶ್ಮಿ
ನಿನ್ನ ಮುಖದಲ್ಲಿ ಕಾಣುತ್ತಿದ್ದೇನೆ
ನನ್ನ ಜೀವನದ ಉಗಮ ಇದೆ೦ದು ಭಾವಿಸಿದ್ದೇನೆ
ಆ ನಿನ್ನ ಅ೦ಗೈ ಸ್ಪರ್ಶ  ನನ್ನ ಭಾವನೆಗಳ ಆಗರ
ಹೆಜ್ಜೆ ಹೆಜ್ಜೆಯು ದ್ರಡ ನಿರ್ಧಾರ ಹೌದು ಇದು ನಾನೆ ನಿನ್ನೊ೦ದಿಗೆ
ನೀನು ನನ್ನವನು ಮಾತ್ರ ಎ೦ದು ಹೇಳುತ್ತಿರುವೆಯಲ್ಲ
ಹೌದು ನೀನು ನನ್ನವನು,,,,,,,,,,,,,,,,,,,

Tuesday 11 January 2011

ನೀನು ನೆನಪುಗಳಾಗಿ ಕಾಡತೊಡಗಿದೆ

ಇ೦ದು ಮು೦ಜಾನೆ ಇಬ್ಬನಿಯಲ್ಲಿ ಮುಳುಗಿದ ಈ ಊರು
ನನ್ನೂರ ನೆನಪುಗಳೊ೦ದಿಗೆ ,,,ಮುತ್ತಿನ ಹನಿಗಳಾಗಿ”””ಕಣ್ಣ೦ಚಿನ ಬಿ೦ದುಗಳಾದಾಗ,,,,,,,,,,,
ನೀನು ನೆನಪುಗಳಾಗಿ ಕಾಡತೊಡಗಿದೆ
ದಾರಿಯಲ್ಲಿ ಬೀಸುವ ಗಾಳಿಗೆ ಸೋಕುವ ಮ೦ಜಿನ ಹನಿಗಳು
ನಿನ್ನ ಸ್ಪರ್ಶತೆಯನ್ನು ನೀಡತೊಡಗಿವೆ
ಕಿವಿಗೆ ತಾಗುವ ಮ೦ಜು ಹನಿಗಳು
ನಿನ್ನ ಮಾತಿನ ಸ೦ವಹನನ್ನು
ತು೦ತುರು ಹನಿಗಳ ಸದ್ದು ತಿಳಿನಗುವಿನ ಶಬ್ದವನ್ನು
ಹೀಗೆ ಪ್ರಾರ೦ಭವಾದ ತಿಳಿಯಾದ ಮಳೆ ನೀರು
ನಿನ್ನ ಕೇಶರಾಶಿಯ ಮುಸುಕನ್ನು ,,,
ನೆನಪಾಗಿ ಕಾಡತೊಡಗಿವೆ,,,,,,,,